Giuseppe Zanoia
Câa
![](http://chped.net/https/upload.wikimedia.org/wikipedia/commons/thumb/6/62/5677_-_Palazzo_di_Brera%2C_Milano_-_Busto_di_Giuseppe_Zanoia_-_Foto_Giovanni_Dall%27Orto%2C_1-Oct-2011.jpg/260px-5677_-_Palazzo_di_Brera%2C_Milano_-_Busto_di_Giuseppe_Zanoia_-_Foto_Giovanni_Dall%27Orto%2C_1-Oct-2011.jpg)
El Giuseppe Zanoia (Genova, 1752 - Omegna, 1817) l'è staa on architett, poeta e religios italian.
De fameja novaresa, l'è staa canonegh a Sant Ambroeus de Milan. L'ha faa anca el professor a Brera, e l'è staa amis del Parin.
A l'è staa on sostegnidor del stil neoclassegh: per esempi, l'è lu che l'ha faa (in del 1810-1813) la Porta Noeuva del dì d'incoeu. L'ha lavoraa anca a la faciada del Domm de Milan insemma al Carlo Amati.
L'è staa anca autor de ona quai poesia in lombard.
![](http://chped.net/https/upload.wikimedia.org/wikipedia/commons/thumb/5/5b/Collezionedellemiglioriopere11.pdf/page202-200px-Collezionedellemiglioriopere11.pdf.jpg)